Lenga i gulimentu
Un logopedista ta tèst, trata i konsehá hende riba tereno di bos, papiamentu, idioma i oido.
Hende di tur edat por akudí serka nos pa tratamentu di problemanan ku:
-
Bos / Stèm
-
Hiperventilashon
-
Artikulashon
-
Gagamentu
-
Nasalidat
-
Desaroyo di idioma
-
Afasia
-
Funshonnan ouditivo
-
Chupamentu di dede, chupon, mama lenga
-
Kome ku bebe
-
Puesto di lenga ( ku por tin di haber ku djente) i gulimentu
E kliente ta haña terapia den su idioma materno. Nos por duna terapia den papiamentu, hulandes, ingles i spaño. Problemanan rondó di siñamentu di hulandes komo un di dos idioma no ta kai bou di tratamentu logopédiko.
Nos tim
MARIELLE
DA COSTA GOMEZ
Komo logopedista ku mas di 25 aña di ekperensha i ku a sigi diferente kursonan riba tereno di “sensorische integratie”, problemanan ku komementu, gulimentu i outismo bo por ta sigur ku bo yu ta hana un bon tratamentu. Aparte di e ekperensha ku e muchanan tambe e adulto ta bonbini. Pa mi ta masha importante ku un kliente ta sintié na kas i ta gusta bin terapia. Solamente e ora ei lo nos mira progreso. Serka mi kalidat ta na prome lugá. P’esei ami ta keda buska terapianan nobo pa por yuda e kliente mas mihó i mas lihé
ZJANTHI
TRAPENBERG-JOHANNES
Mi a kaba mi estudio di logopedista den 2010 na Fontys Hogeschool na Eindhoven. Na Hulanda ma traha 4 anja den praktijknan di logopedista i na diferente skol. Na 2015 ma bin traha na Kòrsou i for di e momentu ei mi a kuminsa den logopedie praktijk Fonolex. Na e momentu aki mi ta traha 3 mèrdia na Fonolex i parti mainta na 2 skol spesial. Mi ta traha ku plaser i e diversidat den e trabou ta pone ku e ta keda un “challenge”
ILSELY VAN DER WERF
Asistente di logopedista
Den mayoria di kaso e kliente ta bin un biaha pa siman serka nos pa terapia.
Den algun kaso esaki por ta mas ku un biaha pa siman pero nunka mas ku tres biaha pa siman. Banda di e terapia serka nos den ofisina, ta mashá importante pa hasi e ehersisionan nesesario na kas tambe. Si trein na kas tambe nos klientenan ta progresá mas lihé i e durashon di e terapia por ta mas kòrtiku. Si no tin posibilidat pa trein na kas, nos asistente por bin duna yudansa na kas ku e tarea i ehersisionan. Tratamentu por tuma lugá pa medio di un sita i riba referensha di dòkter di kas, spesialista médiko òf dentista. E material ku nos ta traha ku n’e ta moderno, atraktivo, seif i adaptá na e idioma ku ta usa durante e tratamentu.